पत्रकार महासंघमा वामपन्थी प्यानल घोषणा
चौतारी, सङ्घ, क्रान्तिकारी पत्रकार महासङ्घ, प्रगतिशील पत्रकार सङ्घले संयुक्त रुपमा वैशाख १७ गते आयोजना गरेको उम्मेदवारी घोषणा कार्यक्रममा महासङ्घको नेतृत्वका लागि अध्यक्षमा डा महेन्द्र विष्ट, उपाध्यक्षमा खिलबहादुर भण्डारी र समावेशी उपाध्यक्षमा महेश दासको नाम सार्वजनिक गरिएको छ ।
त्यस्तै, महासचिवमा उजीर मगर, खुल्ला सचिवमा प्रभात चलाउने, महिला सचिवमा सङ्गीता खड्का, समावेशी सचिवमा धमेन्द्र कर्ण र एशोशियट सचिवमा क्रन्दन चापागाईं, कोषाध्यक्षमा सूर्यमणि गौतमको नाम घोषणा गरिएको छ ।
महिला सदस्यमा पवनवर्षा शाह, सरिता ढकाल र निलिमा शुब्बा, जनजाति सदस्यमा मोहनसिंह लामा र लक्की चौधरी (लोक चौधरी), मधेसी सदस्यमा बेचु गौँड र अजयकुमार मिश्र, दलित सदस्यमा किसन सङ्गीत नेपाली र कमल परियारको नाम घोषणा गरिएको छ ।
साथै पूर्वाञ्चल क्षेत्रीय सदस्यमा गणेश लम्साल र गणेश पोखरेल, मध्यमञ्चल क्षेत्रीय सदस्यमा चिरञ्जीवी मास्के र सुनील खड्का, उपत्यका सदस्यमा ईश्वरी वाग्ले र रामहरि सिलवाल, प्रतिष्ठान सदस्यमा सुरज आचार्य र रोसन पुरीको नाम घोषणा भएको छ ।
पश्चिमाञ्चल सदस्यमा रुद्र भट्ट र हरिनारायण गौतम, मध्यमाञ्चल क्षेत्रीय सदस्यमा झलक गैरे र अजय देव शर्मा, कर्णालीबाट सदस्यमा नवराज महतरा, अपाङ्ग सदस्यमा भवानी ऐर, अल्पसङ्ख्यक सदस्यमा अब्दुला मिया, खुल्ला सदस्यमा दीपेन्द्र कुँवर, राजु लामा रहनुभएको छ भने बाँकी सदस्यको नाम घोषणा गर्न बाँकी रहेको बताइएको छ ।